16 февраля (3 февраля по старому стилю) - празднование иконы Божией Матери Умягчение злых сердец (Симеоново проречение).

16 февраля (3 февраля по старому стилю) - празднование иконы Божией Матери «Умягчение злых сердец» («Симеоново проречение»).

Ико­ну Бо­жи­ей Ма­те­ри «Умяг­че­ние злых сер­дец» на­зы­ва­ют еще «Си­мео­но­во про­ре­че­ние».

Тропарь, глас 4

Умягчи наша злая сердца, Богородице,/ и напасти ненавидящих нас угаси,/ и всякую тесноту души нашея разреши,/ на Твой бо святый образ взирающе,/ Твоим страданием и милосердием о нас умиляемся/ и раны Твоя лобызаем,/ стрел же наших, Тя терзающих, ужасаемся./ Не даждь нам, Мати Благосердая,/ в жестокосердии нашем и от жестокосердия ближних погибнути,/ Ты бо еси воистину злых сердец умягчение.

Кондак, глас 2

Благодатию Твоею, Владычице,/ умягчи сердца злодеев,/ низпосли благодетелей,/ соблюдающи их от всякаго зла,/ благомолящимся Ти усердно/ пред честными иконами Твоими.

Молитва

О Многоскорбная Мати Божия, превышшая всех дщерей земли по чистоте Своей и по множеству страданий, Тобою на земли перенесенных! Приими многоболезненная воздыхания наша и сохрани нас под кровом Твоея милости, инаго бо прибежища и теплаго предстательства, разве Тебе, не вемы, но яко дерзновение имущи к Иже из Тебе Рожденному, помози и спаси ны молитвами Своими, да непреткновенно достигнем Царствия Небеснаго, идеже со всеми святыми будем воспевати хвалу в Троице Единому Богу, всегда, ныне, и присно, и во веки веков.

Аминь