24 июля Церковь чтит память святой равноапостольной княгини Ольги.

24 июля Церковь чтит память святой равноапостольной княгини Ольги. 



Тропарь, глас 1



Крила́ми богоразу́мия впери́вши твой ум,/ возлете́ла еси́ превы́ше ви́димыя тва́ри,/ взыска́вши Бо́га и Творца́ вся́ческих,/ и, Того́ обре́тши, па́ки рожде́ние Креще́нием прия́ла еси́,/ дре́ва живо́тнаго наслажда́ющися, нетле́нна во ве́ки пребыва́еши,// О́льго присносла́вная.

Ин тропарь, глас 4

Оста́вивши лесть и́дольскую,/ после́довала еси́ Христу́, Безсме́ртному Жениху́, Óльго Богому́драя,/ в Его́же черто́зе ра́дующися,/ непреста́нно моли́ся/ о чту́щих ве́рою и любо́вию святу́ю па́мять твою́.

Ин тропарь, глас 3

Свята́я равноапо́стольная избра́ннице Христо́ва, княги́не Óльго,/ наро́д твой слове́сным и чи́стым Христо́вым млеко́м напои́вшая,/ моли́ся Ми́лостиву Бо́гу,/ да прегреше́ний оставле́ние/ пода́ст душа́м на́шим.

Кондак, глас 4

Воспое́м днесь Благоде́теля всех Бо́га,/ просла́вльшаго в Росси́и О́льгу богому́друю,/ да моли́твами ея/ пода́ст душа́м на́шим// грехо́в оставле́ние.

Величание

Велича́ем тя,/ свята́я равноапо́стольная княги́не О́льго/ я́ко зарю́ у́треннюю в земли́ на́шей возсия́вшую/ и свет ве́ры правосла́вныя// наро́ду своему́ предвозвести́вшую.



«Благословенна ты в женах русских, ибо оставила тьму и возлюбила Свет. Прославлять тебя будут сыны русские до последнего рода!»