22 Сентября (9 Сентября по старому стилю). День памяти: Праведных Богоотец Иоакима и Анны.

22 Сентября (9 Сентября по старому стилю). День памяти: Праведных Богоотец Иоакима и Анны.



Праведным Богоотцам Иоакиму и Анне

Тропарь, глас 2

Пра́ведных Твои́х, Го́споди, па́мять пра́зднующе,/ те́ми мо́лим Тя:// спаси́ ду́ши на́ша.

Ин тропарь, глас 1

И́же в зако́нней благода́ти пра́ведни бы́вше,/ Младе́нца богода́ннаго породи́ша нам, Иоаки́м и Áнна./ Те́мже днесь све́тло торжеству́ет,/ ве́село пра́зднующи Боже́ственная Це́рковь,/ честну́ю ва́шу па́мять,/ сла́вящи Бо́га,/ воздви́гшаго рог спасе́ния нам в дому́ Дави́дове.

Кондак, глас 2

Ра́дуется ны́не Áнна,/ непло́дства разреши́вшися соу́з,/ и пита́ет Пречи́стую,/ созыва́ющи вся воспе́ти/ Дарова́вшаго от чре́ва ея́ челове́ком// еди́ну Ма́терь и Неискусому́жную.

Величание

Велича́ем вас,/ святи́и пра́веднии Иоаки́ме и Анно,/ и чтим святу́ю па́мять ва́шу,/ вы бо мо́лите за нас/ Христа́ Бо́га на́шего.